ABŞ-da baş verən hadisə sosial şəbəkələrdə marağa səbəb olub.

7times.az xəbər verir ki, dələ “Chevrolet” markalı avtomobilin mühərrik hissəsində özü üçün əməlli-başlı qış tədarükü görüb. Belə ki, dələ avtomobilin kapotunun altına fındıq anbarı yerləşdirib.

Avtomobilin dörd gün dayanacaqda qalması, dələnin işini rahat görməsi üçün fürsət yaradıb. Bu müddət ərzində balaca heyvan maşının kapotunun altına 70 kiloqramdan çox qoz-fındıq toplamağı bacarıb.

Avtomobilin sahibi mühərriki işə salarkən bir anormallıq olduğunu anlayıb və ustaya müraciət edib. Fındıqları mühərrikin ətrafından toplamaq üçün avtomobilin bir çox hissəsi, həmçinin radiator barmaqlığı, buferi və ön qanadları sökülüb.

Buna baxmayaraq bütün qoz-fındıqları avtomobildən təmizləmək mümkün olmayıb. Sürücü hələ də mühərriki işə salarkən səs-küy eşitməsindən şikayətlənib. KONKRET.az

Follow @7timesaz