Ermənistan Kuzey Kıprıs Türk Cümhuriyyətinin yaranması ilə nəticələnən Kipr Sülh Əməliyyatının 50-ci ildönümü ilə bağlı Lefkoşada keçirilən təntənəli mərasimlər fonunda bəyanatla çıxış edib.
7Times.az xəbər verir ki, bəyanatı Ermənistanın Cənubi Kiprdəki səfirliyi yayıb.
Bəyanatda Kipr Sülh Əməliyyatı “işğal” adlandırılıb və Cənubi Kiprə dəstək ifadə olunub.
“Bu gün Ermənistan Kipr probleminin ədalətli və qalıcı həlli istiqamətində Kiprə davamlı və ardıcıl dəstək verməklə Kipr Respublikasına dəstəyini ifadə edir. Ermənistan regionda sülh və sabitliyə sadiq qalır və bu məsələlərin həlli üçün beynəlxalq tərəfdaşları ilə işləməyə davam edəcək”, – bəyanatda vurğulanıb.
Follow @7timesaz