Bir müddət öncə aktrisa Nərgiz Əliyevanın avtomobilinə hücum edən şəxs yenidən saxlanılıb.

7Times.az “Qafqazinfo”ya istinadən bildirir ki, 52 yaşlı Vadim Sedov bu dəfə oğurluq əməlinə görə tutulub. İttihama əsasən, o, ötən il “Kontakt Home” mağazasından mobil telefon, VMF mağazasından isə “Tissot” markalı qol saatı oğurlayıb.

Onun barəsində cinayət işi başlanıb. V.Sedov həbs edilib. Hazırda cinayət işi məhkəmə baxışındadır.

Qeyd edək ki, V.Sedov Nərgiz Əliyevadan pul almaq məqsədilə avtomobilinə yaxınlaşmışdı. Aktrisa hücuma məruz qaldığını bildirərək polisə müraciət etmişdi.