Müğənni Şakiranın qalmaqallı şəkildə ayrıldığı futbolçu əri Jerar Pike evlənir.

Futbolçu yaxın zamanlarda 23 yaşlı sevgilisi Clara Chia Marti ilə ailə quracaq.

İspaniya mətbuatında yer alan məlumatlara görə, Pike toyu sevgilisinin istədiyi kimi edəcək.

“Marca” adlı maqazin jurnalında Pikenin artıq sevgilisinə evlənmə təklifi etdiyi qeyd edilib.

Xatırladaq ki, Şakira ilə Pike 2010-cu ildə keçirilən dünya çempionatında tanış olublar. İlk müzakirə predmeti ulduzlar arasındakı yaş fərqi olub. Belə ki, Pike Şakiradan 10 yaş kiçikdir.

2013-cü il yanvarın 22-də cütlüyün oğlu Milan, 2015-ci il yanvarın 29-da isə ikinci oğulları Saşa dünyaya gəlib.

Onlar ötən ilin iyunun 4-də 12 illik həyat yollarını qalmaqallı şəkildə ayırıblar.

///BAKU.WS