Cəmiyyət

Xaçmaz RPŞ-nin rəisi və şəxsi heyəti yaralı əsgərləri ziyarət edib – FOTO

Xaçmaz RPŞ-nin rəisi və şəxsi heyəti yaralı əsgərləri ziyarət edib – FOTObackend
  • whatsapp
  • messenger
  • telegram
  • vkontakte
  • odnoklassniki

Polis əməkdaşları şanlı Azərbaycan ordusunun sentyabrın 27-dən başlayan Vətən Müharibəsində yaralanan hərbçiləri ziyarət edib.

7times.az xəbər verir ki, bu barədə Xaçmaz RPŞ-nin yayımladığı məlumatda qeyd olunub.

Xaçmaz Rayon Polis Şöbəsinin rəisi, polis polkovniki Həmid Həsənov, şöbənin şəxsi heyəti, eləcə də digər rayon sakinləri ürəyi Vətən eşqi ilə döyünən yaralı əsgərlərlə görüşüb.

Mərd oğulların bu günlərdə ziyarətçiləri də az deyil. Daha sonra RPŞ-nin əməkdaşları yaralı əsgərlərin ailələrinə də baş çəkib. Övladlarını mərdliklə vətən uğrunda döyüşündən fəxrlə danışan valideynlərə belə vətənpərvər övladlar böyütdükləri üçün təşəkkür edən polislərimiz, onlarla fəxr etdiklərini bildiriblər.

Şanlı ordumuz sentyabr ayının 27-dən başlayan Vətən Müharibəsi ilə dünyaya Azərbaycan ordusunun gücünü, qüdrətini bir daha sübut etdi. Düşməni peşman edən mərd oğullarımız cəsarətlə Vətən uğrunda döyüşlərə atıldılar. Onların arasında döyüşlərdə şəhidlik zirvəsinə ucalanlar da, güllə yarası alanlar da var.