İkinci Qarabağ müharibəsi iştirakçısı Poladov Ruslan Rizvan oğlu, 23 mart 1997-ci ildə Xaçmaz rayonunun Çiləgir kənddində doğulub.
7times.az xəbər verir ki, o, 30 oktyabr 2020-ci ildə Xaçmaz rayon Səfərbərlik Və Hərbi Xidmətə Çağırış Üzrə Dövlət Xidmətinin çağırışı əsasında döyüşlərə qatılıb.
Ruslan Poladov Laçın və Qubadlı rayonlarının işqaldan azad olunmasında, xüsusən Qubadlı rayonunun Xanlıq, Muradxanlı kəndləri uğrunda gedən şiddətli döyüşlərdə qəhrəmancasına döyüşüb.
Xatırladaq ki, Ruslan Poladov 2016-cı il aprelin əvvəllərində baş vermiş Aprel döyüşlərində Cəbrayıl rayonunun Cocuq Mərcanlı, Tərtər rayonunun Talış kəndinin işğaldan azad olunmasında fəal iştirak edib.
O bildirib ki, torpaqlarımızın azadlığı uğrunda döyüşən hərbçilərimiz əsl qəhrəmanlıq nümunələri göstərdilər. Bu müqəddəs mübarizədə canını qurban verən şəhidlərimizin ruhu qarşısında baş əyirik.
7times.az
Müşfiq Qərib
