Xaçmaz Rayon Polis Şöbəsində DİN-in Şəxsi Heyətlə İş İdarəsinin, eləcə də Quba-Xaçmaz Regional Gənclər və İdman İdarəsinin birgə təşkilatçılığı ilə yuxarı sinif şagirdlərinin, hərbi xidməti başa vurmuş gənclərin Daxili İşlər Nazirliyi sistemində təhsilə və xidmətə təşviq edilməsi ilə bağlı tədbir keçirilib.
Görüş iştirakçılarına polis və Polis Akademiyasının tarixi, yeniyetmə və gənclərimizin DİN sistemində təhsilə təşviq edilməsi, sağlam həyat tərzinin təbliği, eləcə də onlarda vətənpərvərlik hissinin daha da yüksəldilməsi istiqamətində söhbətlər aparılıb.
Sonda iştirakçıların sualları cavablandırılıb.
