Hüseyinov Ramin Neymət oğlu 9 may 1994-cü ildə Tovuz rayonunun Dondar Quşçu kəndində doğulub.
7times.az xəbər verir ki, O Vətən müharibəsi başlayanda könüllü olaraq cəbhəyə yollanıb. Füzuli, Qubadlı, Zəngilan, Xocavənd, Şuşa uğrunda gedən döyüşlərdə iştirak edib. Füzulidən Şuşaya kimi şərəfli döyüş yolu keçən Ramin Hüseyinov Şuşa uğrunda gedən döyüşlərdə minaatan qəlpəsindən baş və ayaq nahiyyəsindən yaralanıb.
”Şuşada dörd döyüçü yoldaşım ilə ağır yaralandım, bir əsgərin vəziyyəti ağır idi. Yaralı olduğum halda ordan maşın tapıb yaralıları maşına mindirib Hadrut istiqamətinə gəldim. Ondan sonra heç nəyi xatırlamıram”.
Qeyd edək ki, Prezident İlham Əliyevin Sərəncamı ilə qazi Ramin Hüseyinov “Şuşanın azad olunmasına görə” və ” Döyüşdə fərqləndiyinə görə” medalları ilə təltif olunub.
Müşfiq Qərib
7times.az
Follow @7timesaz