Ölkə

Yeddi il əvvəl ölən adam “radara düşdü” – VİDEO

Yeddi il əvvəl ölən adam “radara düşdü” – VİDEObackend
  • whatsapp
  • messenger
  • telegram
  • vkontakte
  • odnoklassniki

İsmayıllıda yeddi il əvvəl ölmüş şəxsin adına cərimə protokolu göndərilib.

 

7Times.az  xəbər verir ki, Əsgər Canaliyevin ailəsi evlərinə gələn bu məktubdan narahat olublar.

 

Məsələ ilə bağlı Baş Dövlət Yol Polis İdarəsindən “Xəzər TV”yə bildirilib ki, həmin tarixdə Türkiyəyə məxsus yük avtomobili qayda pozuntusu törədib. İdarənin mərkəzi informasiya sistemində Türkiyəyə məxsus avtomobillərin qeydiyyatı mövcud olmadığından həmin elektron protokol eyni nömrədə olan nəqliyyat vasitəsinin sürücüsünün adına qeydiyyata alınıb. Sonradan bu texniki səhv aradan qaldırılıb.

 

Vəfat etmiş şəxsin adına gələn elektron qərarda göstərilir ki, Canaliyev Əsgər Biniyət oğlu bu il iyun ayının 19-da Abşeron-Aşağı Güzdək yolunun 35-ci kilometrliyində avtomobillə radara düşüb. O, 50 manat məbləğində cərimələnib. Mərhum Əsgər Canaliyevin oğlu Xəqani Canalıyev bildirib ki, məsələnin belə olması onu çox narahat edib.