Ukrayna Prezident Volodimir Zelenskinin mayın 19-da Naxış Günündə geyindiyi naxışlı köynək Vaşinqtonda keçirilən xeyriyyə hərracında 100 min dollara satılıb.
Sfera.az xəbər verir ki, bu barədə “Amerikanın Səsi” məlumat yayıb.
Vaşinqtondakı Ukrayna Evində “United 24″ün təşəbbüsü çərçivəsində xeyriyyə hərracı keçirilib. Gəlir Ukrayna Milli Bankının hesablarına köçürülür və müharibə qurbanları üçün silah, tibbi avadanlıq və ya humanitar yardımın alınmasına sərf olunur.
Amerikanın “Asters USA” hüquq firması Zelenskinin tikmə köynəyi ilə lotun alıcısı olub.
Cümə günü keçirilən xeyriyyə auksionunda Ukrayna prezidentinin tikmə köynəyindən əlavə, Ukrayna millisinin iyunun 1-də Şotlandiya ilə qalibiyyət matçında mübarizə apardıqları Artem Dovbyk və Andrey Yarmolenkonun köynəkləri də satılıb.
Borodyankada rus bombaları ilə dağıdılan evdə mətbəx şkafında sağ qalan xoruz formasında kuboku da hərracda alıblar.
Yarmolenko və xoruz köynəyini amerikalı ukraynalılar Qanya Çernyak və İhor Samokiş alıblar.
