Rəqqasə Fatimə Fətəliyeva Nazilə Səfərli ilə məhkəmədə uduzması ilə bağlı kəsilən cəriməni ödədiyini bildirib.

Bu barədə sənətçi OLAY-a açıqlama verib. O bildirib ki, artıq Səfərli ilə məhkəməsinin təzminatını ödəyib:

“Hə, uduzmuşam. 50 min 500 manat pul ödənilib”.

N. Səfərli isə “Rəngarəng” verilişindəki açıqlamasında vurğulayıb ki, Fətəliyeva ondan qanun çərçivəsində üzr istəməlidir:

“Fatimə məhkəmədə uduzdu, mən isə qalib gəldim. İş artıq Nərimanov rayon məhkəməsində icraatdadır. İndi kimə 50 min pul verirlər ki? 50 min manatlıq təzminat davası açdım, dövlət isə Fatimənin maddi gəlirini hesablayır və buna müvafiq iş görür”.