Xosep Qvardiola “Mançester Siti”dəki gələcəyi ilə bağlı qərar verib. 

Fanat.Az-ın xəbərinə görə, 52 yaşlı ispaniyalı mütəxəssis klubunu dəyişməyəcək.

Məlumatı “The Times” yayıb. Xəbərə görə, onun müqaviləsinin bitməsinə iki il var və Qvardiola sözləşməsi bitənə qədər Mançesterdə qalacaq.

Klub rəhbərliyi ona heyətin daha da gücləndiriləcəyinə dair söz verib.

Qeyd edək ki, Qvardiola 2016-cı ildən “Mançester Siti”də çalışır. Komanda onun rəhbərliyi altında son mövsümü “qızıl het-trik”lə başa vurub. “Şəhərlilər” həm İPL-in çempionu, həm İngiltərə Kubokunun sahibi, həm də Çempionlar Liqasının qalibi olub. Avropanın 1 nömrəli turnirinin finalında “İnter”i (1:0) məğlub edən “Mançester Siti” qitənin ən gücü klubu adını qazanıb.

Follow @7timesaz