PSJ-nin transferə çıxardığı Kilian Mbappeni heyətinə qatmaq üçün “Real Madrid”lə mübarizə aparacaq daha iki klubun adı açıqlanıb.

Fanat.Az xəbər verir ki, məlumatı “The Times” qəzeti yayıb.

Xəbərə görə, bunlar İngiltərənin “Çelsi” və “Mançester Yunayted” klublarıdır. Mənbə “qırmızı şeytanlar”ın idarəçilərinin həm fransalı ulduzu, həm də “Tottenhem”in forvardı Harri Keyni diqqətdə saxladıqlarını vurğulayıb. MY bosslarının Kilian “Real Madrid”ə keçəcəyi təqdirdə, Keyni daha münasib qiymətə transfer edə biləcəklərini nəzərə aldıqları diqqətə çatdırılıb.

2018-ci ilin yayında “Monako”dan transfer edilən Mbappe PSJ-də 6 mövsüm keçirib.

Son mövsümdə Liqa 1-də 34 matçda çıxan Fransa millisinin 24 yaşlı üzvü komandasının çempionluğuna 29 qol və 6 məhsuldar ötürmə ilə yardımçı olub.

Follow @7timesaz