“Real Madrid” çoxdan gözlənilən səs-küylü transferi həyata keçirdiyini açıqlayıb.

Fanat.Az “Kral klubu”nun rəsmi saytına istinadən xəbər verir ki, Dortmund “Borussiya”sının 19 yaşlı yarımmüdafiəçisi Cud Bellingem heyətə qatılıb.

Gənc istedadın 6 illik müqaviləyə imza atdığı bildirilib.

Almaniya klubuna bu keçid üçün 103 milyon avro ödəniləcəksə, transfer məbləğinin 30 faizi, dəqiqləşdirsək, 30,9 milyon avro məbləğində bonuslar da nəzərdə tutulub.

Bellingem “Borussiya”ya 2020-ci ildə, 25 milyon avro qarşılığında “Birmingem”dən transfer olunmuşdu. Almaniyada keçirdiyi 3 mövsüm ərzində 132 matça çıxan Cud 24 qol və 25 məhsuldar ötürmə ilə yadda qalıb.

Follow @7timesaz