Transfer çalışmalarını davam etdirən “Qalatasaray” PSJ-nin futbolçusu Leandro Paredesi heyətinə qatmağa yaxındır.

Offsideplus.az “Fotomaç”a istinadən xəbər verir ki, İstanbul təmsilçisi argentinalı yarımmüdafiəçi ilə razılığa gəlib. “Sarı-qırmızılar” son dünya çempionu ilə 4 illik müqavilə barəsində anlaşıb. Xəbərə görə, 28 yaşlı futbolçu ilinə 2.5 milyon avro qazanacaq.

Bildirilir ki, Paris klubunun Paredesi heyətində düşünməməsi “Qalatasaray”ın bu keçiddə işini rahatlaşdırır. Danışıqların müsbət istiqamətdə irəlilədiyi vurğulanıb. Mənbənin verdiyi məlumata görə, “cim-bom” Qurban bayramından sonra bu transferi açıqlayacaq.

Qeyd edək ki, Leandro Paredes son mövsümü icarə əsasında “Yuventus”da keçirib. O, bütün turnirlərdə 35 oyuna çıxıb, 1 qol və 1 məhsuldar ötürmə ilə yadda qalıb.