Xəbər verdiyimiz kimi, Şəmkirdə toy məclisinə dəvət alan türkiyəli müğənni Ebru Gündeş illərdir küsülü olduğu müğənni Günel Zeynalova ilə eyni gündə səhnəyə çıxmaq istəməyib.

7Times.az  axşam.az-a istinadən bildirir ki, Günel Ebrunun ünvanına sərt sözlər yazıb. O, ifaçının adını çəkmədən bunlarə əlavə edib:

“Bilirsiniz? Yox, hamımız bilirik… Ruzini verən Allahdır, qarşısı kəsilməz. Əngəl olanların bu dünyada cəzası böyükdür. Yaşamadan cəhənnəmi bilməz və ya cənnətə getməz. 25 illik sənət həyatımda heç kimə qısqanclıq etmədim, ruzisini kəsmədim, düşmanlıq belə etmədim. Sən həyatımdakını bilə-bilə gizlədən, bilinməsin deyə özünü saf göstərən, jurnalistlərə pul yedizdirən, hələ də nəyin davasını aparırsan? Nə istəyirsən? Olan olub, keçən keçib.

Amma sən pisqəlblisən, pissən. İllərin təcrübəli müğənnisi… Nə oldu? Dəvətedildin, qorxdun? Qorxma, biz qonaqpərvər xalqığ. Gələn qonağa pislik etmərik. Keçmiş adı üstündə keçmiş… Mən səndən narahat olmadım. Sənin heyətin 25-30 nəfərdir, mənimki 15… Onlar mənimlə birlikdə çörək qazanırlar, heç insanın vicdanı sızlamaz? Əlbəttə, insanlığı olanın.

Sənətçi dəvət edilər, gələr, əngəl olunmaz, çünki böyük günahdır. Bu, neçənci pisliyindir? Günahlarının cəzasını Allaha həvalə etdim. Kimin mənə nə yanlışı varsa Allah versin cəzasını.

Mənim səhnəm iyulun 3-dədir. Əslində 4-də olacaqdı. Amma narahat olub və eyni səhnədə olmaq istəməyib”.

Qeyd edək ki, Günel Ebru Gündeşin keçmiş həyat yoldaşı Reza Zarrabla nişanlı olub. İş adamı Günelə Ebru ilə xəyanət edib. Uzun illərdir ifaçılar arasındakı küsülülüyün səbəbi də budur.

Follow @7timesaz