Müğənni-aparıcı Mehin Hümbətova ünvanına tənqid yazanlara cavab verib.

Axşam.az xəbər verir ki, ifaçının geyimi və onun qiyməti tənqid edilib.

“Bizim cəmiyyətdə həqiqətən, böyük problemlər var. Çox aqressiv millətik. Başqasını alqışlamağı, kompliment etməyi bacarmayan millətik” deyə, Mehin bildirib.

Sənətçi tənqid yazanlara səslənərək, onlara məsləhət verib:

“Öz üzərində işləməyib, inkişafdan geri qalan, heç bir peşəyə yiyələnməyən, məqsədsiz və uğursuz insanlar başqalarının uğurunu həzm edə bilmir. Bu, çox acınacaqlı vəziyyətdir. Bu təfəkkür, gələcək nəsilə ötürülən ən xırda aqressiya məni qorxudur.

Özünüzə vaxt ayırın, öz həyatınızı, düşüncələrinizi, fiziki və ruh halınızı inkişaf etdirməyə başlayın. O zaman “kim hansı geyimi neçəyə alıb” deyə düşünmək əvəzinə, sizə yaraşan və uyğun olan həyatı seçməyə başlayacaqsınız. Mənim daxilimdə hər kəsə yetəcək qədər sevgi var”.

Qeyd edək ki, “kim_hardan_geyinir” Mehinin geyindiyi geyimlərin qiymətini yazıb. Belə ki, onun çəhrayı libası “David Koma” brendinə məxsusdur, qiyməti isə 1394 dollar, təxminən 2370 manatdır. Ayaqqabının markası isə “Casadei”dir və dəyəri 803 dollar, təxminən 1367 manatdır.

Follow @7timesaz