“Real Madrid” “Selta”nın oyunçusu Qabriel Veyqanı heyətinə cəlb edə bilər. 

Fanat.Az Sport.es-ə istinadən xəbər verir ki, İspaniya nəhəngi yarımmüdafiəçi üçün qarşı tərəfə 40 milyon avro təklif edib.

21 yaşlı futbolçunun klubu ilə müqaviləsində sərbəstqalma üçün məhz bu qədər məbləğ yazılıb. Veyqanın “Selta” ilə müqaviləsinin müddəti 2026-cı ilin yayına kimidir.

Qabriel ötən mövsüm “Selta”nın heyətində bütün yarışlarda 40 oyuna çıxıb. Yarımmüdafiəçi 11 qol vurub və 4 məhsuldar ötürmə edib.