“Çoxunuzdan nigaranam. Sual verirsiniz ki, kondisionersiz nece dayanırsınız? Belə necə yaşamaq olar? Günəş Allahın bizə verdiyi lütfdür. Yay ayları çox qısadır. Günəş şüalarını qəbul etmək lazımdır”.

Yenisabah.az xəbər verir ki, bu sözləri Xalq artisti Brilliant Dadaşova sosial şəbəkədə yazıb. O, mərhum əmisioğlu, aktyor Rafael Dadaşovun ölümünə kondisionerin səbəb olduğunu bildirib:

“Bir çox həkimlərimiz deyir ki, günəş şüaları da ziyandır. Amma kondisioner ondan da zərərlidir. Ən pisi də odur ki, kondisioner altında yatan insanlar var. Bu çox təhlükəlidir, fəsadları ağır olur. Əminəm ki, əmimoğlu Rafael Dadaşov da özünü kondisionerlə məhv etdi. Sağlam bədənində ağciyərinə su gəlməsi nə demək idi? Ona dəfələrlə deyirdim ki, lazım deyil. Çox pis vərdişdir. Günəşə birtəhər dözmək lazımdır. Adam sonra öyəşir. Amma kondisionerdə oturanda isə sonra imtina etmək olmur. Makiyajıma görə arada kondisionerdən istifadə edirəm, amma sonra 2-3 gün özümə gələ bilmirəm”.