Türkiyə də daxil olmaqla dünyanın 40-dan çox ölkəsində davam edən meşə yanğınları milyonlarla hektar ərazini külə çevirib.

Dünyada baş verən meşə yanğınları ilə bağlı məlumatları toplayan “Qlobal Meşə Nəzarəti” adlı internet saytının məlumatına görə, son 10 ildə dünyada 82 milyon hektar meşə sahəsi yanıb. Ən böyük meşə sahəsi itkisi isə 2016-cı ildə 9,63 milyon hektar sahənin yanması ilə qeydə alınıb.

Son 10 ilin ən böyük yanğınları Avstraliya, Rusiya, Kanada və ABŞ kimi ölkələrdə baş versə də, hazırda Kanada, Yunanıstan, Əlcəzair və İtaliyada davam edən meşə yanğınlarına müdaxilələr hələ də davam edir.