Rusiya Afrika ölkələrinin 23 milyard dollar borcunu silib.

APA “Sputnik”ə istinadən xəbər verir ki, bu barədə Rusiya Prezidenti Vladimir Putin Sankt-Peterburqda keçirilən Rusiya-Afrika sammitində çıxışı zamanı deyib.

“Rusiya Afrika ölkələrinin borclarının aradan qaldırılması işində iştirak edir. Hazırda biz bu ölkələrin ümumilikdə 23 milyard dollar borcunu silmişik. Afrika ölkələrinin son müraciətləri əsasında inkişaf məqsədləri üçün 90 milyon dollardan çox vəsait ayıracağıq”, – Putin bildirib.

Qeyd edək ki, iyulun 27-28-də Sankt-Peterburqda Rusiya-Afrika sammiti keçirilib.