“Liverpul” İngiltərə Premyer Liqa tarixində rekord transferə hazırlaşır.

Fanat.Az xəbər verir ki, “Brayton”un yarımmüdafiəçisi Moyses Kaysedo İngiltərə nəhənginə keçməyə yaxındır.

İnformasiyanı tanınmış insayder Fabritsio Romano yayıb. Onun məlumatına görə, mersisaydlılar 21 yaşlı yarımmüdafiəçi uğrunda rəqabətdə “Çelsi”ni üstələyiblər.

Romanoya inansaq, Kaysedonun transferi İngiltərə futbol tarixində rekord olacaq. Futbolçunun transferi üçün “qırmızılar” “qağayılar”a 127 milyon avro ödəyəcək. Ekvadorlu futbolçunun bu günün sonuna qədər “Liverpul”un sıralarına qoşulacağı gözlənilir.

Kaysedo 2022/2023 mövsümündə İngiltərə Premyer Liqasında 37 oyun keçirib. Yarımmüdafiəçi bu görüşlərdə bir qol vurub, iki məhsuldar ötürmə edib və on sarı vərəqə alıb.

Follow @7timesaz