“Barselona” 135 milyon avroya aldığı Usman Dembeleni PSJ-yə 50 milyon avroya satdı.
Ucnoqta.az xəbər verir ki, bu barədə Fransa klubunun saytı məlumat yayıb. 26 yaşlı fransalı hücumçu Paris Saint-Germain ilə 5 illik müqavilə imzalayıb.
Dembele 2017-ci ildən “Barselona”da çıxış edir, kataloniyalılarla üç dəfə İspaniya çempionatının qalibi olub.
“Barselona”nın saytında verilən məlumata görə, transfer məbləği 50,4 milyon avro olub.
“Mən Paris Saint-Germain-ə qoşulduğum üçün çox şadam və yeni klubumda oynamaq üçün səbirsizlənirəm” – Dembele deyib.
Follow @7timesaz