Xorvatiya millisinin və “Real”ın yarımmüdafiəçisi Luka Modriç karyerasını ABŞ-da davam etdirə bilər. 

Fanat.Az xəbər verir ki, argentinalı Lionel Messinin çıxış etdiyi “İnter Mayami” təcrübəli futbolçunun xidmətində maraqlıdır.

“Messi şəxsən bu transferdə maraqlıdır. Luka artıq Devid Bekhemlə görüşüb, onlar birlikdə nahar ediblər” – “Los Blancos”un keçmiş hücumçusu Predraq Miyatoviç “Carousel Deportivo”ya açıqlamasında belə deyib.

Modriçin Madrid nəhəngi ilə hazırkı müqaviləsinin müddəti gələn ilin yayında başa çatır. Bu mövsüm Luka “Real”ın start heyətində stabil yerini itirib. 38 yaşlı xorvatiyalı La Liqada 6 oyun keçirib və sarı vərəqə alıb.