Kiyevdə Ukrayna Azərbaycanlıları Radasının yerləşdiyi “Azərbaycan evi” 4 aydan artıqdır fəaliyyətini dayandırıb. Bu gün isə binanın üzərindəki təşkilatın adı və qarşısındakı bayraqlar sökülüb.
“AzPolitika.info”-ya verilən məlumata görə, səbəb “Azərbaycan evi”nin yerləşdiyi binanın saxlanma xərclərinin qarşılanmamasıdır. Bildirilir ki, Bakıdan maliyyə yardımı kəsildiyindən “Azərbaycan evi” fəaliyyətini fəaliyyətini dayandırmaq məcburiyyətində qalıb.
Qeyd edək ki, son zamanlar dünya ictimaiyyətinin diqqət mərkəzində olan, yüzminlərlə soydaşımızın yaşadığı, dünyadakı ən aktiv diasporlarımızdan olan Ukraynadakı Azərbaycan diasporunun mərkəzi qərargahının bağlanması acınacaqlı haldır.
Xatırladaq ki, Ukraynadakı Azərbaycan diasporunun baş ofisi 10 ildir bu binada yerləşirdi.
