“Hər kəs indi Netanyahuya “get” deməyə başlayıb. Bəzi xarici ölkə rəsmiləri bizə “bundan qurtulmalıyıq” deyirlər. Bu prosesin uzun müddət davam edəcəyini düşünmürəm”.

7Times.az xəbər verir ki, bunları Türkiyə lideri Rəcəb Tayyib Ərdoğan Əlcəzairdən qayıdarkən jurnalistlərə müsahibəsində deyib.Ərdoğan qeyd edib ki, Netanyahu qısa zaman ərzində hər şeyini toplayaraq tutduğu mövqedən gedəcək:“İndi ictimai vicdan hərəkətə keçib və hətta İsrail küçələri də aktivləşib. İnşallah, çox qısa müddətdə Netanyahu hər şeyini yığışdırıb buradan gedəcək. Bildiyiniz kimi, Netanyahunun məhkəmə məsələsi də var. Bəlkə də bundan qurtulmaq üçün bu cür addımlar atır. Amma o, xilas olmayacaq. Artıq Fələstində saxlanılan israillilər “bizi bu vəziyyətə siz saldınız, tez bir zamanda buranı tərk edin” deyəcək vəziyyətə gəliblər”.