Avropadan olan müttəfiqlərin sursat təchizatı ilə bağlı problemlər yaşadıqları və ABŞ-ın siyasi müharibə yorğunluğunu nümayiş etdirdiyi bir vaxtda Ukraynadakı cəbhə xətti son bir ildə əsasən dəyişməz qalıb.

7Times.az  xəbər verir ki, bu barədə “Blumberq” məlumat yayıb.

“Bütün bunlar Rusiya Prezidenti Vladimir Putinə şans verə bilər. Xüsusilə, hərbi yardımın olmaması Ukraynanı zəif mövqedən sülh danışıqlarına razılaşmağa məcbur edə bilər. Ən pis halda isə rus ordusu Ukrayna Silahlı Qüvvələrinin müdafiəsini yarıb keçə bilər və o zaman Kremlin heç bir şəkildə danışıqlar aparmağa əsası olmayacaq. Bu cür proqnozlar Şərqi Avropa ölkələrinin liderlərini çox qorxudur. Onlar əmindirlər ki, Rusiya qalib gəlsə, Ukrayna sərhədlərində dayanmayacaq”, – məlumatda qeyd olunub.

Axar.az