ABŞ Ağ Evdə Ukrayna Prezidenti Volodimir Zelenski və ABŞ Prezidenti Donald Tramp arasında baş verən qalmaqallı görüşdən sonra Ukraynaya hərbi yardımı dayandırır.

7Times.az xarici KİV-ə istinadla xəbər verir ki, Ağ Evin mətbuat katibi Karolin Levittin açıqlamasına görə, Birləşmiş Ştatlar bundan sonra Ukraynaya hərbi yardım göstərməyəcək və sülh danışıqlarına üstünlük verəcək.

Levitt Ukrayna Prezidenti Volodimir Zelenskinin ABŞ Prezidenti Donald Tramp və vitse-prezident J.D.Venslə mübahisəsini şərh edərkən deyib: “Biz çox uzaq ölkədə müharibə üçün davamlı sülh olmadan boş çeklər yazmayacağıq”.

Tramp administrasiyasının yüksək rütbəli rəsmisi “Washington Post” qəzetinə deyib ki, Vaşinqton Ukraynaya bütün hərbi yardımı dayandırmağı düşünür. Bu qərar qəbul olunarsa, o, Ukraynaya göndərilməsini gözləyən radarlar, nəqliyyat vasitələri, döyüş sursatları və raketlər şəklində milyardlarla dollarlıq yardımı əhatə edəcək.

Karnegi Fondunun Rusiya üzrə mütəxəssisi Endryu Veiss isə deyib: “Amerika dəstəyinin necə olacağı sualı hər şeyin üzərindədir. Avropanın dəstək vermək üçün nə resursları, nə də birliyi var. Onun kəşfiyyat imkanları da yoxdur”.

Onun dediyinə görə, indi Rusiyanın şərtləri ilə atəşkəs daha çox real görünür, “çünki Ukrayna ABŞ ilə münasibətlərinin dağılmasından narahat olacaq və düşünəcək ki, Rusiyanın üstünlükləri daha da çoxalmadan razılaşmanın yolunu tapmaq lazımdır”.

“AzPolitika.info”

Follow @7timesaz