Koronavirusun ən vacib əlamətlərindən biri olan qoxu itkisi xəstəlikdən sağalandan sonra da uzun müddət davam edə bilər.
7times.az Türkiyə KİV-ə istinadən xəbər verir ki, bu barədə Qulaq burun boğaz mütəxəssisi Dos. Dr. Denizhan Dizdar açıqlamasında “COVID-19 keçirən insanlarda xarakterik əlamətlər arasında qoxubilmənin itirilməsinə (anoamiya) çox rast gəlinir və bu əlamət xəstəliyin erkən mərhələsində üzə çıxır” qeyd edib.
Çaxnaşmaya səbəb olan qoxu itkisi dərmanlarla yanaşı bəzi məşqlərlə də müalicə edilə bilər. Dr. Denizhan Dizdar, “Birinci səbəb burundan nəfəs ala bilməməyimizdir. Qoxulmaq üçün burundan nəfəs almağı bacarmalıdır. İkincisi, qoxu hissəciklərinin burnun içində və arxasında qoxu sahəsinə çata bilməməsidir. Bu gözlənilən bir müddətdir”, – deyə bildirib.
Qoxu itkisi daimi ola bilər
Qoxu itkisinin qalıcı ola biləcəyini qeyd edən həkim, “Koronavirus səbəbiylə qoxu itkisi fərqli bir qoxu itkisidir. Buradakı problem, qoxunun beyinə ötürülməsi ilə bağlı bir problem olan “sinir qoxusu itkisi” dediyimizdir. Əslində bu, koronavirus üçün xüsusi bir hal deyil. Tənəffüs yolu infeksiyalarına səbəb olan bütün viral xəstəliklərdə qoxu siniri çox asanlıqla təsirlənir və bəzən müvəqqəti və ya qalıcı ola bilən qoxu itkisinə səbəb ola bilər. Koronavirus viral infeksiya kimi fərqlənmir. Koronavirusu digər çox şiddətli simptomlar göstərmədən qoxu itkisi ilə müşahidə edən bəzi xəstələrimiz də var”, – deyə qeyd edib.
Həkim, qoxu itkisini müalicə etmək üçün xüsusi bir üsul olmadığını ifadə etsə də, amma müxtəlif məşqlərlə yenidən qoxu hissiyyatını geri qaytarmaq mümkün olduğunu bildirib.
“Qoxunu bərpa etmək üçün xüsusi bir müalicə yoxdur. Normal şəraitdə, bütün viral infeksiyalarda qoxu hissinin 3-5 ay ərzində qaytarılmasını gözləyirik. Ancaq bunu sürətləndirmək üçün “iy reabilitasiyası” dediyimiz bəzi qoxu hərəkətləri var. Gün ərzində müəyyən vaxtlarda qəhvə, lavanda və mentol kimi xüsusi qoxuları qoxuduğumuz və bu siniri hərəkətə gətirməyə çalışdığımız qoxu sinirini stimullaşdırmaq üçün hazırlanmış bir üsuldur. Əslində bunlar illərdir mövcud olan müalicələrdir, lakin bunlar çox faydalıdır”.
Follow @7timesaz