Braziliyanın Santa Katarina şəhərində uşağın yas mərasimi zamanı gözlənilməz hadisə baş verib.

7Times.az Metbuat.az-a istinadən xəbər verir ki, ölü olaraq dünyaya gələn uşaq üçün ailə üzvləri yas mərasimi keçirib. Valideynlər uşağa vida etmək üçün tabutu açmaq qərarına gəliblər. Lakin uşağın cəsədi tabutda olmayıb. Tabutda geyimlər olub. Məlum olub ki, bu səhvən baş verib. Müvafiq qurumların səhvi nəticəsində uşağın cəsədi tabuta qoyulmayıb.

Nəticədə dəfn mərasimi 1 gün sonra keçirilib. Xəstəxana rəhbərliyi və dəfni həyata keçirən qurum səhvə görə bir-birilərini ittiham ediblər.