“Təklikdə boş otaqlara, divarlara ağlayıb bağırıram”.

7Times.az  qaynarinfo-ya istinadən xəbər verir ki, bunu müğənni Elmira Ələkbərzadə mərhum anası ilə bağlı xatirələrini bölüşərkən deyib.

Bir ana kimi xöşbəxt olduğunu deyən sənətçi anasız çətin olduğunu bildirib:
“Özümə bir təsəlli verirəm ki, onsuz da zaman gələcək səninlə görüşəcəyəm. Allah mənə cənnət qismət eləsin, çünki sən cənnətdəsən. Orada səni yenə qucaqlayıb bağrıma basacağam, alnına sığal çəkəcəyəm. Cənnət sənin ayaqlarının altındadır, mənim balaca qızım. Mən bir ana kimi çox xoşbəxtəm, amma bir övlad kimi… Ana, mənə pisdir, sənsiz təkəm. “Mama qurban” deyənim yoxdur, təklikdə boş otaqlara, divarlara ağlayıb, bağırıram. Allah sənə rəhmət eləsin”.