Fransanın PSJ klubunun futbolçusu Lionel Messi imicini dəyişib.
7times.az xəbər verir ki, argentinalı hücumçu saqqalını qırxdırıb. 34 yaşlı forvardın “Qızıl top” mükafatının fotosessiyası üçün xarici görünüşə əl gəzdirdiyi iddia olunur.
Daha əvvəl idman jurnalistləri Yozep Pedrerol və Matte Moreno “France Football” nəşrinin təsis etdiyi mükafata məhz Messinin layiq görüldüyünü yazıblar.
Qeyd edək ki, qalibin adı noyabrın 29-da Fransanın paytaxtı Parisdə açıqlanacaq.
