Son 24 saat ərzində NATO-nun ən azı 3 hərbi-nəqliyyat təyyarəsi Ukraynaya uçub.

7Times.az Teleqraf.com-a istinadən xəbər verir ki, bu barədə məlumatı Qərb hava hərəkətini müşahidə platformalarının paylaşdığı məlumatlara istinadən yayıb.

Məlumata görə, İngiltərədəki Brize Norton bazasından havaya qalxan Airbus A400M və Polşaya məxsus CASA C-295M hərbi nəqliyyat təyyarələri Ukraynanın paytaxtı Kiyevə çatıb.

Kanadanın C-17 Globemaster III ağır hərbi-nəqliyyat təyyarəsinin Ukraynanın Lvov şəhərinə gəldiyi müəyyən edilib.

ABŞ və Böyük Britaniyanın ağır nəqliyyat təyyarələri Ukraynaya hərbi texnika və silah çatdırmaq üçün son iki həftə ərzində ən azı 15 uçuş həyata keçirib.