ABŞ Konqresinin Nümayəndələr Palatasında yunan və erməni nazirlərinin başçılıq etdiyi 50 nəfərlik qrup Türkiyəyə təzyiq göstərmək üçün “F-16″ların satışının qarşısını almaq məqsədi ilə ABŞ Dövlət Katibi və Müdafiə Nazirliyinə məktub göndərib.

7Times.az  xəbər verir ki, fevralın 4-də Konqresin dövlət katibi Antoni Blinkenə və müdafiə naziri Lloyd Ostinə ünvanlanan məktubda: “Türkiyənin yeni “F-16″lar və modernizasiya dəstləri ilə bağlı tələbini rədd etməyi və Ərdoğan rejimini məsuliyyətə cəlb etmək üçün dərhal hərəkətə keçməyi şiddətlə tövsiyə edirik”,- deyə qeyd ediblər.

Məktubda deyilir: “Prezident Ərdoğan ölkə daxilində və xaricdə sabitliyi pozan hərəkətlərini və beynəlxalq hüququn pozulmasını dayandırmaq üçün konkret addımlar atana qədər ABŞ Türkiyə ordusuna əlavə dəstək verməməlidir. Türkiyə ABŞ-ın iqtisadi sanksiyaları da daxil olmaqla bütün diplomatik vasitələr işə düşməyincə mövqeyini dəyişməyəcəyini göstərir”.

50-dən çox ABŞ Nümayəndəsindən ibarət qrupa Konqres erməni qrupunun həmsədri Frank Pallone və Yunanıstan Qafqaz üzrə həmsədri Qus Bilirakis rəhbərlik edirdi. Məktubu imzalayan adlar arasında həm demokrat, həm də respublikaçı deputatların olduğu bildirilib.Bizimyol.info