Braziliya Prezidenti Jair Bolsonaru Hollivud aktyoru Leonardo Di Kaprioya Amazonun problemlərini şişirtməyi dayandırmağı təklif edib. Di Kaprio bu məsələ ilə bağlı bir neçə dəfə çıxış edib və hazırkı Braziliya hökumətini tənqid edib.

Bolsonarunun sözlərinə görə, Ümumdünya Ticarət Təşkilatının direktoru özü etiraf edib ki, Braziliya aqrobiznesi olmasa, dünyada aclıq olacaq.

“Ona görə də Di Kaprio boş-boş danışmaq əvəzinə ağzını bağlasa, yaxşı olar”, – deyə Braziliya dövlət başçısı qeyd edib.

Onun sözlərinə görə, aktyorun Amazon meşələrində baş verən yanğın problemi ilə bağlı son nəşrinə əlavə etdiyi fotolar iyirmi il əvvəl çəkilib. Prezident vurğulayıb ki, Braziliya bütün dünya üçün nümunədir: ölkənin kənd təsərrüfatı istehsalçıları qanunla öz torpaqlarının 20 faizini ilkin formada saxlamağı tələb edir, Amazonda isə bu rəqəm artıq 80 faizə çatır.

Qeyd edək ki, Di Kaprio sosial şəbəkələrdə braziliyalı gəncləri seçkilərdə iştirak etməyə çağırıb, çünki onun sözlərinə görə, “planetin sağlamlığı” oktyabrda respublikada keçiriləcək ümumi seçkilərin nəticələrindən asılıdır.

oxu.az

 

Follow @7timesaz