ABŞ Prezidenti Donald Tramp koronavirusa yoluxması ilə əlaqədar həkimlərin tövsiyəsilə hərbi hospitala yerləşdirilib.

APA-nın məlumatına görə, bunu Ağ Evin mətbuat katibi Kaylet Makinani deyib.

ABŞ lideri Merilend ştatında yerləşən “Walter Reed” hərbi hospitalında bir neçə gün müalicəsini davam etdirəcək.

Trampda yeni virusun yüngül simptomlar müşahidə edildiyini deyən mətbuat katibi prezidentin yaxşı əhval-ruhiyyədə olduğunu, hətta bütün günü işlədiyini vurğulayıb. “Prezidentin iştirakı ilə keçirilən bütün seçkiqabağı tədbirlərin təxirə salınmasına və ya onlayn formatda keçirilməsinə qərar verilib”.

Qeyd edək ki, Tramp cümə günü həyat yoldaşının və özünün koronavirus testinin müsbət olduğunu söyləyib.

Follow @7timesaz