İyunun 1-dən Moskva rəhbərliyi koronavirus məhdudiyyətlərini pozduğuna görə tətbiq edilmiş, lakin ödənilməmiş cərimələrin yığılmasını dayandıracaq.

 

7Times.az xəbər verir ki, paytaxtın meri Sergey Sobyanin öz bloqunda COVİD amnistiyasını elan edib.

 

Bələdiyyə sədrinin fikrincə, səlahiyyətli orqanlar əvvəllər ödənilməmiş cərimələri toplamamalıdırlar. O, bunun səbəbini sakinlərin real gəlirlərinin səviyyəsinin aşağı düşməsi ilə izah edib.

 

Sobyanin deyib ki, Moskva hökuməti həmçinin əvvəllər ödənilmiş cərimələri əvəzləmək üçün biznes və vətəndaşlara subsidiyalar ödəyəcək. Bələdiyyə sədrinin sözlərinə görə, amnistiyaya COVID-19 dövründə təcrid rejiminə əməl edilməməsinə görə verilən cərimələr daxil edilməyəcək.

 

 

“Ümumilikdə, 13,6 milyard rubl məbləğində yığılmamış cərimə var. Bu cərimələrin ödənişini dayandıracağıq və ya geri qaytaracağıq. İndiki şəraitdə biznes və moskvalılar üçün maddi dəstək ölçüsünə çevriləcək”, – deyə Sobyanin bildirib.

 

Follow @7timesaz