Sem Asgari ilə evlənən pop ulduzu Britni Spirsin toyunda xoşagəlməz hadisə yaşanıb.
Sfera.az bildirir ki, müğənninin keçmiş əri Ceyson Aleksandr Los-Ancelesdə keçirilən məclisə mane olmaq istəyib. Belə ki, Britninin evləndiyini eşidən gənc adam toya basqın edərək səs-küy salıb. Hadisədən sonra saxlanılan Ceyson polisə “O, mənim birinci, yeganə həyat yoldaşımdır. Mən toyu dayandırmağa gəlmişəm”, – deyə söyləyib.
Qeyd edək ki, 40 yaşlı müğənni 28 yaşlı fitnes məşqçisi ilə ailə həyatı qurub. Spirsin qardaşı Brayanın toya qatılacağı məlum olsa da, onun valideynləri Ceymi və Lin Spirs, bacısı Ceymi Linnin toyda iştirak edəcəyi gözlənilmirdi.
Xatırladaq ki, Britni 2004-cü ildə Ceyson Aleksandrla evlənmiş, lakin 55 saatdan sonra boşanmışdı.
