İllər keçməsinə baxmayaraq, onların ölümünün səbəblərini aydınlaşdırmaq mümkün olmayıb.

Lent.az xarici mediaya istinadla onilliklər boyu haqqında danışılan, saysız-hesabsız sənədli filmlərə, filmlərə və kitablara mövzu olan dünyaca məşhur 5 ulduzun beyində sual işarəsi buraxan faciəli sonlarını təqdim edir.

Musiqiləri, aktyorluqları və səhnə performansları ilə tarixə damğasını vuran məşhurlar hələ də özlərindən söz etdirməyə davam edirlər. Bunun ən mühüm səbəbi isə çoxlu sayda pərəstişkarı olan bu məşhurların vəfatından illər keçməsinə baxmayaraq, sirr pərdəsinin hələ də açılmamasıdır.

Bəs bəzilərinin sui-qəsdə qurban getdiyi söylənilən, bəzilərinin isə saxta ölüm ssenarilərinə inandığımız bu dünyaca məşhur simalara nə olub? Niyə həyatlarının son anları gizlədilib? Qəfil ölümlərinin arxasındakı sirlərlə bu gün də adından söz etdirən 5 məşhur ulduz kimlərdir?

1. Natali Vud

Bundan 41 il əvvəl Hollivudda ən müəmmalı ölümlərindən biri baş verib. Bütün zamanların ən uğurlu və sevilən ulduzlarından biri olan Natali Vud müəmmalı şəkildə dünyasını dəyişib. Cəmi 43 yaşı olan Vud gördüyü işləri və gözəlliyi ilə Hollivud kinosunun ən önəmli simalarından biri idi. 1981-ci ilin noyabr ayının son həftəsi idi. O, o günlərdə karyerası üçün ən vacib işlərdən biri olan “Beyin fırtınası” adlı elmi-fantastik film üzərində işləyirdi. Həftə sonu həyat yoldaşı Robert Vaqner və həmkarı Kristofer Uolkenlə birlikdə yaxta gəzintisinə çıxıb. Nə olubsa, səfər zamanı olub.

Birlikdə dincəlmək üçün dənizə çıxan Vud, Vaqner, Uolken və yaxtanın kapitanı Dennis Davern dənizin çox dalğalı olduğu bir gün axşam yeməyi yeməyə sahilə çıxıblar. Vud və Vaqner axşam yeməyini olduqca sərxoş vəziyyətdə tərk ediblər. Gəmiyə qayıdan ekipaj öz istirahət zonasına çəkilib. Vaqner və Vud arasında onların həmişəki kimi adi mübahisəsinə bənzər bir mübahisə düşüb. Vaqner həyat yoldaşını işinə çox vaxt ayırmaqda, ailəsinə və uşaqlarına fikir verməməkdə ittiham edib. Bu zaman Vud qəfildən kabinədən çıxıb. Bir müddət sonra arvadının yanına gedən Vaqner onu tapa bilməyib.

Gəminin hər yerində arvadını axtaran Vaqner xilasedici qayığın yerində olmadığını görüb. Hadisədən sonra Vudu tapmadan geri qayıdan komanda bir neçə gün sonra onun cansız bədəninin sahilə çıxdığını eşidib.

Tibbi ekspertizanın rəyinə görə, Vud naməlum səbəbdən göyərtəyə qalxışb, qayığın bağını açıb və qayığa tullanmaq istəyərkən suya düşüb. Bədənində səthi çürüklər və üzündə qançırlar olub, lakin qətlə dair heç bir şübhə əlaməti olmayıb.si Vudun ölümündən düz iki həftə sonra istintaq müəmmalı şəkildə bağlanıb. Ölüm şəhadətnaməsinə təsadüfən boğulma yazılıb.

Bundan sonra uğurlu aktyorun ölümü ilə bağlı bir çox sui-qəsd nəzəriyyələri irəli sürülüb. Zamanla, xüsusilə gəmi kapitanı Kristofer Uolken, Vudun ölüm səbəbinin inandırıcı olması ilə bağlı çıxışlar edib. Natali Vudun bacısı Lana Vudun təkidi ilə istintaq dosyesi 2011-ci ildə yenidən açılıb. Lana Vud həqiqəti tapmaq üçün axtarışda olarkən Frank adlı təqaüdçü polislə tanış olur. Yarılma hesabatını araşdıran Frank maraqlı bir detalla qarşılaşıb.

Natali Vudun sidik kisəsində sidik yığılmışdı. Texniki olaraq, Vud soyuq suya düşəndə yaşadığı şokdan sidiyə getməli idi, lakin nədənsə bu baş verməmişdi. Doğrudur, ölümün səbəbi boğulma idi, lakin Frankın fikrincə, Vud suya düşən zaman huşunu itirmiş ola bilərdi. Altı il sonra, 2018-ci ilin fevralında Los-Anceles Dairəsinin serifliyi istintaqın Vudun ölümünün “şübhəli” kateqoriyasına salınması ilə nəticələnən yeni dəlillər üzə çıxardığını elan edib.

Vudun ölüm səbəbi “boğulma və digər naməlum amillər” olaraq dəyişdirilib. Araşdırmalar başlayıb, sənədlər bağlanıb, bir çox sui-qəsd nəzəriyyələri nəticəsiz qalıb. Bu illər ərzində Vudun ölümü haqqında yüzdən çox ehtimal yazılıb, lakin təəssüf ki, bu ölüm Hollivudun ən çox diqqətdən kənarda qalan və sirli ölümləri arasında yer alıb.

2. Brüs Li

Bütün dünya tərəfindən tanınan və filmləri böyük həvəslə izlənilən Brüs Li ölümü ilə sensasiya yaradan digər məşhurdur. 1940-cı il noyabrın 27-də ABŞ-da anadan olan Çin əsilli Li çox gənc ikən 32 yaşında vəfat edib.

İllərə damğasını vuran Linin ölümü Natali Vudunki kimi bir çox cavabsız suallarla doludur. Bütün zamanların ən mühüm döyüş sənətçisi və 20-ci əsrin pop ikonası olan Brüs Linin yarılma hesabatına görə, ölüm səbəbi onun beynindəki şiş hesab edilsə də, böyük əksəriyyəti ustad aktyorun belə bir şişin olmadığına inanırdı.

Linin ölümü ilə bağlı iki iddia irəli sürülüb. Birincisi, Brüs Linin Çin-Amerika mafiyası tərəfindən öldürülməsi idi. Digər iddia isə olduqca maraqlı idi. Buna əsasən, Brüs Linin ölümündən sonra köhnə əşyaların satıldığı bazarda bəzi məktublar tapılıb.

Məktublarda Brüs Linin oynadığı filmlərdə daha yaxşı rol almaq üçün qadağan olunmuş maddədən istifadə etdiyi və bunu aktyor Robert Beykerdən aldığı yazılıb. Məktublarda yazılan bu məlumat o illərdə bomba effekti verdiyi üçün 180 min dollara hərraca çıxarılıb. Ancaq bu məktublar onun ölümü ilə bağlı sui-qəsd nəzəriyyəsinin yalnız bir hissəsi olaraq qalır.

3. Kurt Kobeyn

“Nirvana” musiqi qrupunun uğurlu vokalisti Kurt Donald Kobeyn 1967-ci il fevralın 20-də ABŞ-ın Vaşinqton ştatında anadan olmuş uğurlu müğənni və bəstəkar idi. Ölümündən 28 il keçməsinə baxmayaraq hələ də populyarlığını qoruyub saxlayan Kurt Kobeynin ölümü ilə bağlı bir çox maraqlı detallar var.

Təqvimlər 1994-cü ili göstərirdi. 27 yaşında həyatının ən qızğın çağında ov tüfəngi ilə özünü güllələyən Kurt Kobeynin intihar etdiyi bildirilirdi. Lakin bu səbəb heç kimi qane etməyib. Ölümündən sonra hadisə yerində çəkilən fotoşəkillər heç vaxt dərc edilməyib və məxfi məhkəmə tibbi sənədləri olaraq qalıb.

Həmin illərdə Kobeynin ölümünü araşdıran jurnalist Riçard Linin sözlərinə görə, Kobeyn intihar etməmişdi, onu kimsə öldürmüşdü. Li Kobeynin öldürüldüyü iddiasını sübut etmək üçün hadisənin 55 fotoşəkilinin dərc edilməsini və həqiqətlərin üzə çıxarılasını istəyib. Ancaq Kobeynin həyat yoldaşı Kortni Kobeyn Kurt Kobeynin fotolarının ictimaiyyətlə paylaşılmaması lazım olduğunu qəti şəkildə vurğulayıb. Bütün təkidlərə baxmayaraq, son anları əks etdirən fotoların heç biri paylaşılmayıb.

Kurt Kobeynin ölümünü araşdıran Riçard Li kimi jurnalistlər vaxtaşırı fotoların yayımlanacağına və ölümün əsl səbəbinin üzə çıxacağına inandıqlarını desələr də, məhkəmə həmişə bu qərarı rədd edib. O, ov tüfəngi ilə üzünə güllə ataraq intihar edən biri kimi tarixə düşsə də, əksəriyyət Kurt Kobeynin qətlin qurbanı olduğuna inanır.

4. Merilin Monro

“Sarışın bomba” obrazı ilə kumirə çevrilən dünya şöhrətli amerikalı model və aktrisa Merilin Monro “Centlmenlər  sarışınlara üstünlük verir”, “Yeddinci ilin həvəsi” və “Bəziləri isti sevir ” kimi filmləri ilə 1950-ci illərin ən böyük kino ulduzlarından birinə çevrilib.

Ancaq tarixlər 1962-ci il avqustun 5-ni göstərdikdə Monronun köməkçisi Yunis Mürrey səhər saatlarında yataq otağının işığının yandığını görüb və qapını döyəndən sonra heç bir cavab almayıb. Qapı bağlı idi və Mürrey Monronun psixiatrı həkim Ralf Qrinsona vəziyyətlə bağlı məlumat verib.
Qrinson otağa pəncərədən girib və Monronu ölü tapıb.

Merilin Monronun 1962-ci il avqustun 4-də həddindən artıq dozaya səbəb olan barbiturat (sakitləşdirici dərman) zəhərlənməsindən öldüyü bildirilir. Onun yarılmasını həyata keçirən məhkəmə-tibb eksperti də gənc ulduzun həddindən artıq dozada sakitləşdirici dərman qəbul etdiyini və bunun intihar olduğunu bildirib. Monronun qəfil ölümü pərəstişkarlarını, xüsusən də onu yaxından tanıyanları kədərləndirib.

Onun belə qəfil ölümü ağla bir çox sui-qəsd nəzəriyyələrini ortaya çıxarıb. Bəzilərinin fikrincə, Monro belə intihar edə bilməzdi. Çox məşhur və hər kəs tərəfindən pərəstiş edilən Monro başqaları tərəfindən öldürülə və intihar edə bilərdi. Həmin illərdə çoxlu suallar yaransa da, hamısı cavabsız qalıb. Təəssüf ki, Merilin Monronun ölümü intihar olaraq qəbul edilib və heç vaxt yenidən araşdırılmayıb.

5. Tupak Şakur

Bütün zamanların ən məşhur reperlərindən biri hesab edilən Tupak 1996-cı il sentyabrın 7-də Las-Veqasdakı “MGM Grand Casino”da keçirilən boks matçına qatılıb.

Qarşılaşmadan sonra birlikdə çalışdıqları səsyazma şirkətinin CEO-su Suq Kniqht ilə məkanı tərk etmək istəyən Tupak qəfildən Kaliforniyada yerləşən “Southside Compton Crips” kimi tanınan dəstənin üzvü Orlando Andersonla dava edib.

Davadan qaçan Tupak və Şuq maşınlarına minərək hadisə yerindən uzaqlaşıblar. Cəmi bir neçə dəqiqə sonra işıqforun qırmızı işığında dayanan avtomobildən 4 dəfə atəş açıb, onlardan biri Tupak olub.

Dava davasından xilas olan Tupak və Suge maşınlarına minərək hadisə yerini tərk ediblər. Cəmi bir neçə dəqiqə sonra işıqforun qırmızı işığında dayananda onların yanında dayanan maşından Tupak hədəfə alınaraq 4 atəş açılıb.

Xəstəxanada reanimasiya şöbəsinə yerləşdirilən Tupak vurulduğu gecədən 6 gün sonra, sentyabrın 13-də 25 yaşında dünyasını dəyişib. Tupakın ölümü böyük səs-küy yaratsa da, Las-Veqas polisi qətllə əlaqəsi ola biləcək hər kəsi həbs etməyə ehtiyac duymayıb.

Tupakın ölümündən sonra bir çox sui-qəsd ehtimalları irəli sürülüb. Onlardan biri Tupakın mübahisə etdiyi Orlando Andersonun dəstəsi haqqında idi. İddialara görə, sui-qəsdi bu dəstə təşkil etmiş ola bilər. Başqa bir ehtimal, ölümü zamanı Tupakın yanında olan Suqe Knightə işarə edib.

Tupakı naməlum səbəbdən Knight də öldürmüş ola bilərdi. Son ehtimal çox sürreal bir ehtimal idi. Bəzilərinin fikrincə, Tupak da Maykl Cekson və ya Merilin Monro kimi özünü ölmüş kimi göstərib. Əslində başqa kimliyi ilə həyatına davam edir və Kubada stressdən uzaq dinc bir həyat sürür. Ancaq bu ehtimalı dəstəkləyəcək ən kiçik bir ipucu yoxdur.

Follow @7timesaz