Britaniya kəşfiyyat xidmətlərinin oktyabrın 29-da Sevastopolda (Krım) Qara dəniz donanmasının bazasında törədilən terror aktında və “Şimal axını”nda təxribatda əli olduğuna şübhə yoxdur.

7Times.az  xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə deyib.

“Əlbəttə, Britaniyanın bu hərəkətləri reaksiyasız qalmayacaq. Bu barədə BMT Təhlükəsizlik Şurasında biz qarşı tərəflə açıq danışdıq. Təbii ki, Britaniya səfiri çağırılacaq, ona müvafiq dəlil və sübutlar təqdim olunacaq. Əsas materiallarla geniş ictimaiyyət də tanış olacaq”, – diplomat bildirib.