ABŞ Prezidenti Cozef Bayden İranın nüvə silahına sahib olmasının qarşısını almaq üçün məsələnin hərbi yolla həllinə əl atmağa hazırdır.

Sfera.az “TASS” istinadən xəbər verir ki, bu barədə ABŞ-ın İran üzrə xüsusi nümayəndəsi Robert Melli bildirib. ABŞ Dövlət Departamentinin rəsmisi “Foreign Policy” jurnalının ev sahibliyi etdiyi onlayn konfransda bunları deyib:

“Prezident Bayden lazım gələrsə, İranın nüvə silahı əldə etməsinin qarşısını almaq üçün son çarə kimi hərbi variantla razılaşacağını söylədi”.Buna baxmayaraq, Melli əlavə edib ki, hazırda belə bir şey tələb olunmur.