Türkiyənin hüquq-mühafizə orqanları zəlzələlər nəticəsində binaların dağılmasına görə məsuliyyət daşıya biləcək inşaatçı və podratçı şirkətlərin rəhbərləri və işçiləri arasında şübhəli şəxsləri müəyyən edib.

Məlumata görə, onlardan 188-i artıq həbs edilib.

Bildirilib ki, fevralın 6-da Türkiyənin cənub-şərqində baş vermiş güclü zəlzələlər nəticəsində bir çox yaşayış binalarının dağıdılması ilə əlaqədar olaraq, şirkətlərin və hakimiyyət orqanlarının tikinti, yaxud da sonrakı yenidənqurma zamanı ciddi səhvlərə yol verdiyi aşkarlanıb. Belə ki, yerli mütəxəssislərin fikrincə, tikinti zamanı yanlış hesablamalar aparılıb və ya istismar müddətində binaların yükdaşıyan konstruksiya elementləri sökülüb. (Mənbə: Anadolu)