ABŞ-ın F-35 qırıcısı Cənubi Çin dənizində USS “Karl Vinson” təyyarədaşıyan gəmisinə enmək istəyərkən qəzaya uğrayıb. “Qafqazinfo” xəbər verir ki, bu barədə ABŞ Sakit Okean Donanmasının mətbuat xidməti məlumat yayıb. 

“Qəza F-35С Lightning II qırıcısının 2022-ci il yanvarın 24-də Cənubi Çin dənizində planlı uçuşlar həyata keçirərkən göyərtəyə enişi zamanı baş verib. Pilot təhlükəsiz şəkildə havadan atılıb və hərbi helikopter tərəfindən xilas edilib”, -açıqlamada deyilir.

Məlumata görə, pilotun vəziyyəti stabildir. Hadisə zamanı yeddi dənizçi yaralanıb, onlardan üçü Filippindəki xəstəxanaya təxliyə edilib.