“Real Madrid”in 20 yaşlı ulduzu Cud Bellingem gələcəkdə “Golden Boy” mükafatını qazana biləcək ən istedadlı gənc oyunçuların adlarını açıqlayıb.

Fanat.Az xəbər verir ki, İngiltərə millisinin yarımmüdafiəçisinin dediklərini “Madrid Zone” belə çatdırıb:

“Üç ad deyəcəm. Öncə deyim ki, Arda Güler fenomendir. Onun necə məşq etdiyini görür və zövq alırıq. İkinci belə oyunçu Dortmund “Borussiya”sında komanda yoldaşım olmuş Ceymi Bayno-Gittens, digəri isə qardaşım Cobdur”.

“Real”a bu yay Dortmund “Borussiya”sından transfer olunan Bellingem bir müddət öncə “Tuttosport” nəşrinin təqdim etdiyi “Golden Boy” mükafatını qazanıb. Cari mövsüm İspaniya nəhənginin forması ilə bütün turnirlərdə 17 matça çıxan Cud 15 qol və 4 məhsuldar ötürmə ilə yadda qalıb.