Arda Gülər “Real Madrid”in “Barselona”ya qarşı yoldaşlıq matçını buraxa bilər. 

Offsideplus.az xəbər verir ki, bu barədə “Relevo” nəşri məlumat yayıb. 18 yaşlı yarımmüdafiəçi iyulun 23-də sağ dizindən xəsarət alandan bəri məşq keçirməyib. Klub isə zədənin ciddi olmadığını bildirir, futbolçu fiziki yüklənmə yaşayıb.

Arda daha öncə “Milan” və “Mançester Yunayted”ə qarşı matçları buraxmışdı. “Mançester Yunayted”lə oyundan (2:0) sonra baş məşqçi Karlo Ançelotti Tibo Kurtua və Arda Gülərin tezliklə oynayacağını söyləmişdi.

Qeyd edək ki, “Barselona” – “Real Madrid” matçı iyulun 30-da Bakı vaxtı ilə saat 01:00-da baş tutacaq.