Türkiyə prokuroru İstanbulda yerləşən kriptovalyuta birjası “Thodex”in bağlanmasından və baş direktoru yoxa çıxdıqdan təxminən bir il sonra 21 əməkdaşına 40 564 ilə qədər həbs cəzası istəyib.

“Ölkə.Az” “Bloomberg News”ə istinadən xəbər verir ki, ittiham tərəfi müttəhimlərin cinayət təşkilatı yaratdığını, həmçinin dələduzluq və çirkli pulların yuyulması ilə məşğul olduğunu iddia edir.

İcraçı direktor Faruk Fatih Özer ötən ilin aprelində İstanbul hava limanında görüntülənib.

“Thodex” holdinqlərini inflyasiyadan və lirənin zəifləməsindən qorumaq istəyən investorları cəlb edən türk kriptovalyuta bumunun bir hissəsi idi.

İddianamədə birjada ümumi itkilərin təxminən 24 milyon dollar olduğu deyilir, lakin “Chainalysis”in fevral hesabatında itkilərin 2,6 milyard dollar olduğu bildirilir.

Özer ötən ilin aprelində verdiyi açıqlamada investorlarla hesablaşacağını və Türkiyəyə dönəcəyini bildirib.

“The Block” xəbər verir ki, Türkiyə polisi ötən il ilkin istintaq zamanı 62 nəfəri saxlayıb. Türkiyə polisinin məlumatına görə, Özer Tiranaya qaçıb.

Follow @7timesaz