Bolqarıstanın paytaxtı Sofiya yaxınlığında yük maşınında 18 nəfərin meyiti aşkarlanıb.

“Report”un məlumatına görə, bu barədə yerli BTA xəbər agentliyi bildirib.

İlkin məlumatlara görə, yük maşınında miqrantlar olub, onlar odun yükünün altında gizləndikləri yerdə aşkarlanıblar.

Bununla belə, qeyd edilir ki, yük maşınında sağ qalanlar da var. Agentliyin məlumatına görə, 34 nəfər müxtəlif xəstəxanalara göndərilib. Ölənlər arasında 6-7 yaşlı uşaqlar da var.

Miqrantların daşınma marşrutu müəyyən edilib. Yük maşınının sürücüsü qaçıb.

Follow @7timesaz