Türkiyədə böyrəyini satıb, 3 mərtəbəli villada narkotik emalatxanası açan şəxslər saxlanılıb.

32gun.az xəbər verir ki, Ankara polisi sözügedən villada əməliyyat keçirib. 3 mərtəbəli villada narkotik vasitə olan  “Hind kenevir bitkisi” və bu bitkinin becərilməsi üçün lazım olan mexanizmlər ələ keçirilib.

Əməliyyat zamanı 3 nəfər saxlanılıb.

Polisin apardığı araşdırmada şübhəlilərdən M.Y-nin uzun müddət Almaniyada yaşadığı və orada narkotik vasitələrin becərilməsi mexanizminin qurulması prosesini öyrəndiyi müəyyən edilib.

M.Y-nin Türkiyəyə qayıdıb bu işlə məşğul olmaq qərarına gəldikdən sonra əvvəlcə İrana gedərək böyrəyini burada külli miqdarda pul qarşılığında satdığı bəlli olub.

Hazırda istintaq davam edir.