Ukraynadakı müharibə iqtisadi və hərbi potensialların faktiki mübarizəsidir və Ukraynanın qələbəsi Putin rejiminə ciddi zərbə olacaq.

Moderator.az xəbər verir ki, belə bir bəyanatla Almaniyanın “DW” nəşrinə müsahibəsində keçmiş baş nazir Mixail Kasyanov çıxış edib.

“Belə sanksiyalarla Putin Rusiyasının potensialı hər gün azalacaq. Bu o deməkdir ki, bir neçə aydan sonra Ukrayna iqtisadi və hərbi üstünlük əldə edəcək. Ukrayna xalqının və ordusunun qəhrəmanlığı, şübhəsiz ki, vəziyyətin yaxşılaşmasına və  növbəti qələbəyəgətirib çıxaracaq. Birincisi, bu, Avropanın qalan hissəsini aqressiv Putindən qoruyacaq, ikincisi isə bu, onun getməsinin açarıdır”, – rus deyə siyasətçi bildirib.

Kasyanovun fikrincə, Ukraynanın qələbəsi Rusiyada və “hər şeydən əvvəl Putinin ətrafı və orduda” sürətli dəyişikliklərə səbəb olacaq. Müxalifətçi siyasətçi hesab edir ki, Ukraynanın qələbəsi Putin rejiminə ciddi zərbə vuracaq və onun rusların öz əlləri ilə əvəzlənməsinə gətirib çıxaracaq.

Mixail Kasyanov əmindir ki, dünya ictimaiyyətinin Ukraynaya qarşı təcavüzə cavab olaraq tətbiq etdiyi sanksiyaları “Putin, təbii ki, belə miqyasda gözləmirdi”. Və onlar “dağıdıcı xarakter” daşıyırlar…