MLS-in “New England Revolution” klubunda çıxış edən Corc Petroviç tezliklə “Çelsi”nin futbolçusu olacaq. 

Fanat.Az xəbər verir ki, informasiyanı tanınmış insayder Fabritsio Romano yayıb.

Serbiyalı qolkiper artıq Britaniya vizası alıb və London klubunda tibbi müayinədən keçib. Petroviçin “zadəganlar”la 2030-cu ilin yayına qədər uzunmüddətli müqavilə imzalayacağı gözlənilir.

23 yaşlı qolkiperin transfer məbləği 14 milyon avro olaraq qiymətləndirilir.

Ötən mövsümün nəticələrinə görə, Petroviç MLS-in ən yaxşı qapıçısı üçün səsvermədə ikinci yeri tutub. O, çempionatda 25 oyun keçirib, 29 qol buraxıb, 8 matçda isə qapısını toxunulmaz saxlayıb.

Follow @7timesaz